ბევრი თქვენგანი ალბათ დიდი ხანია შემდეგნაირად ქმნიდით React-ის ახალ აპლიკაციას:
npx create-react-app my-app
cd my-app
npm start
სამწუხაროდ, ეს მეთოდი ახლა აღარ მუშაობს. თუ ოფიციალურ React ვებგვერდს ეწვევით, ნახავთ შემდეგ რეკომენდაციას: "თუ გსურთ შექმნათ ახალი აპლიკაცია React-ზე, გირჩევთ გამოიყენოთ ფრეიმვორკი."
მაგრამ, იქნებ არ გსურთ ფრეიმვორკის გამოყენება? იქნებ რეაქტი მხოლოდ რამდენიმე კომპონენტის client side rendering-ისთვის გჭირდებათ მონოლითურ აპლიკაციაში? შესაძლოა, უბრალოდ გიყვართ აპლიკაციის ნულიდან შექმნა და არ გსურთ ფრეიმვორთან დაკავშირებულ ხელსაწყოებთან მუშაობა (რომლებიც ზოგჯერ შეიძლება ფასიანიც იყოს. თან ისე ჩანს, თითქოს რეაქტის გუნდი Next.js-სა და Vercel-ის პროდუქტებს ზედმეტად ადვოკატირებს) ?
გამოსავალი ე.წ. Build Tool-ების გამოყენებაა.
React-ის გუნდისგან განსხვავებით, მე Vite-ს გავუწევ რეკომენდაციას, რადგან ის ყველაზე მარტივი ხელსაწყოა და ეფექტურად ასრულებს საქმეს. Vite გუნდი უწყვეტად მუშაობს ბილდის ზომის შემცირებაზე , dev სერვერის სიჩქარის გაუმჯობესებაზე, და ზოგადად, ხელსაწყოს დახვეწაზე. ახლა კი ვნახოთ, როგორ შეგვიძლია შევქმნათ ახალი React აპლიკაცია Vite-ის გამოყენებით:
React აპლიკაციის შექმნის ეტაპები:
1. გადადით იმ დირექტორიაში, სადაც გეგმავთ თქვენი პროექტის შენახვას:
cd ~/Projects
2. დაიწყეთ React აპლიკაციის აწყობა vite-თი:
npm create vite@latest
3. მიჰყევით ინსტრუქციებს. პირველ რიგში, ტერმინალში დაინახავთ პრომპტს, რომელიც მოგთხოვთ აპლიკაციის სახელის მითითებას და ახალი საქაღალდე სწორედ ამ სახელით შეიქმნება. შემდეგ თქვენ უნდა აირჩიოთ ფრეიმვორკი - ამ შემთხვევაში ეს იქნება React.
4. შემდეგ აირჩევთ ვარიანტს. შესაძლო ვარიანტებია:
- TypeScript
- TypeScript + SWC
- JavaScript
- JavaScript + SWC
- React Router v7
5. ტერმინალში გამოჩნდება პრომპტი - გსურთ თუ არა Git-ის ახალი რეპოზიტორიის შექმნა. ბოლოს კი - გსურთ თუ არა npm-ის გამოყენება. როცა ყველა npm dependency დაინსტალირდება, შეგიძლიათ გადახვიდეთ ახლად შექმნილი პროექტის საქაღალდეში და გაუშვათ dev სერვერი:
cd [your-app-dir]
npm run dev
სულ ეს არის! თქვენი ახალი React აპლიკაცია მზაა.